「燕瘦环肥」呢个字眼，每年定时定候都会出现，冇错啦，就係一年一度的 港姐 选举又嚟啦！《2017香港小姐竞选》今日进行首轮面试，估计参加者人数接近100位，香港果然多靓女！无谓说话唔多讲啦，大家一于慢慢睇相，睇吓边个最有冠军相？

心心眼系列：

呢位一袭红裙示人、笑容甜美的小姐叫张宝欣 (Boanne)，今年23岁，係上届友谊小姐张宝儿个妹妹！Boanne同样毕业于英国伦敦大学，两姊妹都几似样！

来自加拿大多伦多的靓女Kelly Ng，深色裙造型大方端庄，仲有少少似张秀文？

杜芷绫 (Zoe) 本身係model，拍过唔少广告，依家仲有份拍《宫心计2·深宫计》！

笑容阳光灿烂的Elsie Chan今年刚刚喺美国大学毕业，主修传理，现职係一位freelance model，样貌身材都唔错！

今年23岁的胡美贻 (Nicole)于美国加州大学尔湾分校读经济，似乎仲係个富二代。

仲有其他：

外国兵团系列：

中规中矩系列：

呢位长髮白裙小姐叫Cherilyn Lo，唔少人话佢似前港姐冠军邵珮诗？

咁似上届港姐、依家拍紧《开心速递》的苏韵姿？

哗哗哗！周丽淇喎！

仲有其他：

突围而出系列：

呢位叫Angelica的小姐，一出场已经疯狂谋杀菲林！见到佢个样貌相当人工化，个间尺鼻劲直劲长，下巴尖一尖，两边苹果肌又异常丰满，厉害！佢被在场记者问到有冇整容，Angelica就否认：「冇冇冇！」

来自杭洲浙江的22岁毛小姐明白「输人唔输阵」，以一身黄蓝色旗袍抢晒镜，仲话件衫係特别订造！咁，祝你好运啦…

大家继续欣赏……系列：

全文完